थारुनके भोजहा गित || लग्गनके मागर गित
मागर थारुनके भोजहा गित हो जोन भोजक ढक्ढिउरी कलेसे फरक नै परि, काहेकि थारुनके भोजेम मागर गैहि पर्ना रहट् । भोजक ठकौनि खैना रोजसे पर्छना सम भोजहा लग्गनके मागर कहजाइट् । बाट लग्गनके हो, भोजेम गैना मागर गितमे मनक भावना गित के रहानमे एक डोसरहे सुनैना करजाइट् ।
https://youtu.be/T74bos0byUc?si=vqj2TUNi1Qjm6eGE
हिमाली चौधरीके अवाजमे ठकौनी खैना से लेके पर्छना समके गित सुने मिलट् । इ गितमे करुवक् साटठो टोटिक बयान करगिल बा । अस्टके नेउटा पठैना मागर विभिन्न राज दवार ओ देवि डेउटनके डुवार मे पठैना आज्ञा करगैल बा इ मागर मे । अस्टके डिउलि डरेबर कहाँ सिरजल सुरहुवा भैया, पन्हेरि बाबू । कहाँ बाट सिरजल भोजौहुवा भैया, भौजिन्ह्या बाबू । कहाँ सिरलज डुलहा, कहाँ सिरजल नेढरिया बरिसुन्दर । अस्टके उरुड मेठि चकिया, चकियक खुटि पटिया कहाँ कहाँ सिरजल कैक बटागिल बा ।
सक्कु चिज सिरजलक बयान कर्के डिउलि डर्ना टयारिके लाग गोबरले गोबराके पटरि उप्पर चकिया बिछाइक् लाग डिउलि डरक लाग् सक्कु भन्सरिया, नेढरिया ओइन बलाइल गित बा । अस्टके टाइ ढर्ना लुगरा सिओइना डुल्हा संपरैना गित बा । बराट जाइबर जाइबर, परछक्कि खाइबर गैना गित ओ बराटिनके बयान करल, सम्ढि बिचके डगर घाटमे परल बिपटिके बयान करगिल बा ।
अस्टके बराट डुल्हिक घर पुग्के बैठैलक गोरा ढोवाके भिट्तर पैठलक् डुवारिक केवार खोल्लक । डुल्हा हे बैठैना बराटिन बैठैना ओ डिल्हिक गोहिनके ओ डुल्हक संघरियनके बिचके मुनडरी नठुनिया मंगलक् ओ डुल्हि डुल्हा कैसिन हुहि कना गित बा ।
अस्टके बिन्सरिया मिलभेट कर्ना गित बा । डुल्हि अपन बिछोड के भावना सुनैलक् डाइक कोखेम सुट्लक् बाबक कोनम खेल्लक् डाडु भैयनसे खेलल्क् बहरलक् सक्कु जहनसे डुर हुइलक् मनक् पिर सुनैलक् ओ डाइ बाबा छाइ हे सम्झैलक् बिडा करेबेरिक मनछुना गित बा ।
बिडाइ हुइबर काकि भौजि डाडु भैया डाइ बाबा रुइलक् मार्मिक् गित बा । कोन्टिम डाइ रुलक् मझेरिम काकि रुइलक् बहरिम बैठल बुडु बुडि रुइलक् ढेक्वारिम बैठल भौजि रुइलक् डरि पकरके डाडु रुइलक् । डोलि ओगठके भैया रुइलक् बाबा सभामे बैठल रुइलक् ।
बासि खओइना बेला अंगना बहर्ना ओ बराट अइलक हाँथि घोरा उँट हेरे गैल गित बा । अस्टके डुल्हक् रुप भोजहुक् रप हेरे चहलक् ओ सक्कु पहिरनके बयान करल गितमे बा । अस्टके भोजिन्या के सक्कु पहिरनके बयान करगिल बा । अस्टके ढेल्यक बयान करल बा ।
गाँठ जोर्ना बेला छेगरा छोेट् हुइल कि रुपया खोट् भैल डेलवक् चुनरि मलिन भैल डुल्हक् बाबा हे बंढलक् गित बा । अस्टके बिडा मगे बार कि ढिल बाटो गाउँके गउँलिया कि ढिल बटो भनसरिया कि ढिल बटो सुरहुवा कटि डुल्हिक् ओरिक् सक्कु जहन से बिडा मंग्लक् गिट बा । अस्टके डुल्हि संपरैलक् बाबाक् डेहल सेडुर सार डेउ डुल्हक् सेदुर पहिराडेउ कटि स्क्कु डुल्हक ओरिक् सिँगार डुल्हिहे पहिरादेउ कना पहिरादेउ कना गित बा ।
अस्टके डुल्हा डुल्हिहे कहाँ सम मिलबे रि ढनिया कहाँ सम भेटबे चलो अपन घरे कलक् ओ डुल्हि सक्कु जहन भेंट कैके जैना चाहल गिट मे बा । ओ डुल्हि अपन गाउँ घर डगर पानी घाट छोरके जाइटु एक्के कोखसे जलम लेलक् भेया डाडुन हे छोरके गैलक् गिट बा । ओ हपन डाइ बाबा हे सम्झाडेहो कना गिट बा ।
अस्टके डुल्हक डाइ घुरौरा मन चहुरके बट्या हेरलक् ओ छावा सुरुराके बयान कर्लक् करल गित म बा । अस्टक डुल्हि परछे बार गैना गिट बा । अस्टके डुलहि ससरार आके सक्कु जहन नाट लगाके बोलम कना गिट बा । असिके इ भोजहा मागर ओराइट । गितमे ठकौनि से लेके डुल्हि ससरार अइलक् सम के जम्मा कहानि बा । जरुर एकचो ओनाडेबि । काहेहेकि अबक पुस्टा ओइन असिन गित बचाइक लागे पर्ना जरुरि डेखाइट् ।
-------------------------------------------------------------------
मागर थारुनके भोजहा गित हो जोन भोजक ढक्ढिउरी कलेसे फरक नै परि, काहेकि थारुनके भोजेम मागर गैहि पर्ना रहट् । भोजक ठकौनि खैना रोजसे पर्छना सम भोजहा लग्गनके मागर कहजाइट् । बाट लग्गनके हो, भोजेम गैना मागर गितमे मनक भावना गित के रहानमे एक डोसरहे सुनैना करजाइट् ।
हिमाली चौधरीके अवाजमे ठकौनी खैना से लेके पर्छना समके गित सुने मिलट् । इ गितमे करुवक् साटठो टोटिक बयान करगिल बा । अस्टके नेउटा पठैना मागर विभिन्न राज दवार ओ देवि डेउटनके डुवार मे पठैना आज्ञा करगैल बा इ मागर मे । अस्टके डिउलि डरेबर कहाँ सिरजल सुरहुवा भैया, पन्हेरि बाबू । कहाँ बाट सिरजल भोजौहुवा भैया, भौजिन्ह्या बाबू । कहाँ सिरलज डुलहा, कहाँ सिरजल नेढरिया बरिसुन्दर । अस्टके उरुड मेठि चकिया, चकियक खुटि पटिया कहाँ कहाँ सिरजल कैक बटागिल बा ।
सक्कु चिज सिरजलक बयान कर्के डिउलि डर्ना टयारिके लाग गोबरले गोबराके पटरि उप्पर चकिया बिछाइक् लाग डिउलि डरक लाग् सक्कु भन्सरिया, नेढरिया ओइन बलाइल गित बा । अस्टके टाइ ढर्ना लुगरा सिओइना डुल्हा संपरैना गित बा । बराट जाइबर जाइबर, परछक्कि खाइबर गैना गित ओ बराटिनके बयान करल, सम्ढि बिचके डगर घाटमे परल बिपटिके बयान करगिल बा ।
अस्टके बराट डुल्हिक घर पुग्के बैठैलक गोरा ढोवाके भिट्तर पैठलक् डुवारिक केवार खोल्लक । डुल्हा हे बैठैना बराटिन बैठैना ओ डिल्हिक गोहिनके ओ डुल्हक संघरियनके बिचके मुनडरी नठुनिया मंगलक् ओ डुल्हि डुल्हा कैसिन हुहि कना गित बा ।
अस्टके बिन्सरिया मिलभेट कर्ना गित बा । डुल्हि अपन बिछोड के भावना सुनैलक् डाइक कोखेम सुट्लक् बाबक कोनम खेल्लक् डाडु भैयनसे खेलल्क् बहरलक् सक्कु जहनसे डुर हुइलक् मनक् पिर सुनैलक् ओ डाइ बाबा छाइ हे सम्झैलक् बिडा करेबेरिक मनछुना गित बा ।
बिडाइ हुइबर काकि भौजि डाडु भैया डाइ बाबा रुइलक् मार्मिक् गित बा । कोन्टिम डाइ रुलक् मझेरिम काकि रुइलक् बहरिम बैठल बुडु बुडि रुइलक् ढेक्वारिम बैठल भौजि रुइलक् डरि पकरके डाडु रुइलक् । डोलि ओगठके भैया रुइलक् बाबा सभामे बैठल रुइलक् ।
बासि खओइना बेला अंगना बहर्ना ओ बराट अइलक हाँथि घोरा उँट हेरे गैल गित बा । अस्टके डुल्हक् रुप भोजहुक् रप हेरे चहलक् ओ सक्कु पहिरनके बयान करल गितमे बा । अस्टके भोजिन्या के सक्कु पहिरनके बयान करगिल बा । अस्टके ढेल्यक बयान करल बा ।
गाँठ जोर्ना बेला छेगरा छोेट् हुइल कि रुपया खोट् भैल डेलवक् चुनरि मलिन भैल डुल्हक् बाबा हे बंढलक् गित बा । अस्टके बिडा मगे बार कि ढिल बाटो गाउँके गउँलिया कि ढिल बटो भनसरिया कि ढिल बटो सुरहुवा कटि डुल्हिक् ओरिक् सक्कु जहन से बिडा मंग्लक् गिट बा । अस्टके डुल्हि संपरैलक् बाबाक् डेहल सेडुर सार डेउ डुल्हक् सेदुर पहिराडेउ कटि स्क्कु डुल्हक ओरिक् सिँगार डुल्हिहे पहिरादेउ कना पहिरादेउ कना गित बा ।
अस्टके डुल्हा डुल्हिहे कहाँ सम मिलबे रि ढनिया कहाँ सम भेटबे चलो अपन घरे कलक् ओ डुल्हि सक्कु जहन भेंट कैके जैना चाहल गिट मे बा । ओ डुल्हि अपन गाउँ घर डगर पानी घाट छोरके जाइटु एक्के कोखसे जलम लेलक् भेया डाडुन हे छोरके गैलक् गिट बा । ओ हपन डाइ बाबा हे सम्झाडेहो कना गिट बा ।
अस्टके डुल्हक डाइ घुरौरा मन चहुरके बट्या हेरलक् ओ छावा सुरुराके बयान कर्लक् करल गित म बा । अस्टक डुल्हि परछे बार गैना गिट बा । अस्टके डुलहि ससरार आके सक्कु जहन नाट लगाके बोलम कना गिट बा । असिके इ भोजहा मागर ओराइट । गितमे ठकौनि से लेके डुल्हि ससरार अइलक् सम के जम्मा कहानि बा । जरुर एकचो ओनाडेबि । काहेहेकि अबक पुस्टा ओइन असिन गित बचाइक लागे पर्ना जरुरि डेखाइट् ।
परिचय:
हिमाली सुक्लाफाँटा-८ झन्डाबोझ के हुइटैं । गितक सिपार टे बटैं-बटैं कथा कहानि बट्कुहि खिस्सा अस्टे बहुट कुछ के ज्ञान बटिन । हिमाली समाज सेवामे फेन पाछे नैहुँइट् वर्सो से गाउँक भलमन्सा खेलैटि अइटि बटै कलसे एक ओर झारफुँक, गुरैपाटि फेन कर्टि आइटैं । अस्टके बाँस-बेंटके घरेम बेल्सना कुर्सी टेबुल डिल्या छिट्वा बहुट् चिजके सिपार बटै ओ विभिन्न ठाँउ जाके युवा ओइनहे तालिम डेना फेन कर्ठैं । हिमाली मन्डरा बोजैना मे फेन सिपार बटैं ।
मागर गिके लिंक:
https://youtu.be/T74bos0byUc?si=vqj2TUNi1Qjm6eGE
0 टिप्पणियाँ