थारुनके भोजहा लग्गनके मागर गित ।
मागर थारुनके भोजहा लग्गनके गित हो । इ गित बरे बैराग लग्ना मेरिक रहान मे रहट् । ओ हे गित मे बरे मिठास ओ बैराग मेरिक मरिता गोलबंशी कुस्मि गैलेटिन ।
कैलारी गाउँ पालिका-६ बनकट्टा गाउँम बैठ्ना रमिता जवाने मे मागर, सजना, ढमार जसिन गित गैना मे बरे सिपार बटिन । थारु लोकगित गाइक लाग पुर्खनके संगट करेपारट ओसेहेके रमिता फेन पुर्खन संग संग कैके इ गित सिखल बटैठिन ।
रमिता अपन जानल बुझल गितमे बरात जाबर हाँथि घोरा सजैलक, बराट सजके लडिया बनुवा हुइटि गैलक ओ सम्ढि सम्ढाके बाट सुन जाइट । अस्टके इ मागर मे गेउरा गेउरीके मार्मिक गित फेन सुनेमिलट् । अस्टके भौंरी ओ औराके मार्मिक गित सुने मिलट् । अस्टके चकुवा ओ चकुनिया के मार्मिक गित सुने मिलट् । एकथो जोरि बिचके प्रेम कथामे मागर सुने मिलट् । अस्टके डुल्हा डुल्हि बिचके जिवनगुजारा किसिक करब कना गित सुने मिलट् । डुल्हा डुल्हिहे अपन सुन्डर घरेम सुखसे ढारम कैके सुफ्लैलक गित सुने मिलट् ।
अस्टके लडियाके ढिकवा मे महुवाके रुखुवा लगैलक उहे रुखुवा कोइलरिया बोली बरेसुहाउन कना गित सुने मिलट् । सजाल बरा डुल्हिक अँगना पुगल ओ छाइ, डाइ ओ भोजिक बिचके भाव ओ सम्झैलक् ओ बिछोर के पलके गित सुने मिलट् ।
अस्टके डुल्हक डाइ बाबा डुल्हा छावाके बट्या हेर्लक ओ डुल्हक भौजि अपन डिउरक वट्या हेर्लक गित बा । अस्तके पर्छे बेर भोजहिन के तयारि कर्ना गित सुनजाइट् । डुलरि पटुहिया हे लेहे भोजिन्या हे पठैलक ढानक लाहिक मेनखुनले पर्छलक् ओ डुवार छेकलक् ओ रुपया, सारी मंगलक गित सुनेमिलट् ।
गित सुनके मन छुजाइट् । मागर गित ढेर बिषयमे गाइल भेटाजाइट् । जस्टके हिउटिक, कुइलरिया, गिउरि-गिउरा, भोरि- भौरा, राजनके भोजरा लग्गनके आदि ।
मांगर डेस अनसारके रहानमे सुनजाइट् । डँगहा डेखरिया रहान बेउछा जाइट् । रहान जसिन रलेसे गित ओहे रहट् । हम्रे केकरो गितहे अल्गोइना नैमजा कहिके गिरैना निरासा करैना नैकरके होसला उत्साह ओ सबके संस्कृटिके आडर सम्मान करे परट् । सब जहनके अपन अपन संस्कृटि प्यारो बा ।
संगम....✍️
https://youtu.be/A_YkdWQYAn4?si=XloYucYMk51RaYQS
सुनकलाग YouTube च्यानल Fulariya Music Video / @fulariyamusic । सजिलो के लाग लिंक मे जाइसेक्बि । धन्यवाद!
0 टिप्पणियाँ