साली मन नै पर्ना साइड कमे मनै हुँहि । साली नाता लग्तिकिल खुशि नै हुइना मनै साइड कमे हुँहि । थारुनके समाजमे साली नाता बरे चर्चिट ओ सुहावन बा । अपन गोसिन्यासे छोट अथवा गोसिन्यक बाबू लग्ना हुँकन सालि कहिजाइट । औरे बाट ठरिया हुँक्र बठिन्या हुँकन चलैना खेल्वार कर्ना बेला फेन साली कहल सुनजाइट । ढेर जसिन थारु गीत गाइबेला साली भाटु नाता बनाके गीत गैना ओ रमैलक डेखजाइट ।
साली भाटु नाट बनाके बोल्ना फरक मेरिक रमाइलो हुइना ओ बोल्ना सहजिलो डेखजाइट । ठरियन किल साली कना नाट पर्लसे खुशि हुइना नै होके बठिन्यनफे भाटु कना नाट पर्लसे बरेजोर खोल्वार कर्ना ओ खशि हुइल डेजाइट । भोजकाज म ढेरजसिन साली कहिके चलैना खोल्वार करल डेखजाइट । साली कना नाट साझा नाट जस्टे फेन हुइल बा । कोइ बठिन्यन खोल्वार कर्ना मन लग्लसे साली कहिके बोल्कर्लक् पाजाइट् ।
साली भाटु नाट सुहावन हुइलक मारे फेन हुइ ढेरजे मन परैठैं । साली भाटु सैना बनाके युट्युबमे थारु गीत फेन ढेर सार्वजनिक् हुइल बा । पहिलहिं से साली भाटुक् सैना बनाके पुर्खान मैना, सजना, धमार, छोक्रा, झुम्रा, हुरडुंग्वा नाचेम साली भाटुक सैना बनाके गीत गाइल सुनजाइट । उहे मारे हुइ साली भाटुक् सैना बरे सुवान लागट ।
आजसम युट्युब म साली भाटुक गीत ढेर आगैल बा । अस्टके साली भाटुक सैना पारल गीत युट्युब GH Media म आइल बा । बिस्नु थापा सरगमके शब्द संगित म चलो साली बोलके गीत मा बिवस ओ सुनिताके जोरडार भुमिका डेखे मिलट् ।
0 टिप्पणियाँ