लगैबि बियार || छुपुक छुपुक ||

 

[भिडियो ओ विज्ञापन फेेन हेर्बि]

खेति कना शब्द साइड हमार किसान मनैनके मुहेमसे ढेर निकरट । खेति कैके जिउ गहान पल्ना जात मनसे हम्रे थारु एक हुइटि । जस्टके कोइ कुछ करके खाइटा ओ जिउ पाल्टा कलेसे कठैं ओकर उहे पेसा हुइस ओकर पेट पल्ना जहान पल्ना कमैना काम हुइस । हम्रे किसान के मुहेमसे पेसा कना शब्द नै निकरके ओकर उहे खेटि हुइस कहजाइट । कोइ मनै कुछ काम कैके अपन जिउ जहान पाल्टा कलसे उहे कहजाइट ओकर उहे खेटि हुइस । 

[भिडियो ओ विज्ञापन फेेन हेर्बि]

फुह्रन्ने कना हो कलेसे किसान ओइनके काम हे खेटि करल कहल सुनजाइट । थारुनके समाजमे खेटि करेबर गित गैना हरडहुवा खेल्ना चलन फेन डेखजाइट । बर्खा खेति मे सजना मैना गैति हर जोट्ना बियार लगैटि बन्जर खेटवाहे हरयर करैना खेटवा चैनार रहट । पानीक झरिमे सरसर जुर हावाबटासमे रमैटि बर्खा खेटि करजाइट । 

[भिडियो ओ विज्ञापन फेेन हेर्बि]

बाट कर्नास मन लागल असार १ गते युट्युब च्यानल r-production म सार्बजनिक हुइल खेति सम्बन्ढि गितके । गित आधुनिक मेराइक रलसेफेन खेटि कर्ना तरिका थारु समाजहे लेके बनागैल बिल्गाइट । राज कुश्मिके शब्द संगित मे रहल ओ राज के सोनु कुश्मि के मिठास चप्पन चैनार गित बा । भिडियो मे मुख्य भुमिका राजके अप्नहि बटिन ओ सुसिला कार्कि गोसिन्याके भुमिका डेलेबटिन । 

[भिडियो ओ विज्ञापन फेेन हेर्बि]

भिडियोमे बियार लगुइया मनैनके बगाल डेखजाइट । छटरि ओहोरके कोइ बियार कोइ फह्रुवा बोक्ले खेट्वा ओर सोझर्ठैं टे कोइ पानी के गगरी टे कोइ बटलिक मार । खेटवामे लेवा करट डेखजाइट हरोहिया हे । बरे सोहावन लागट खेटि करेबर फेन जन्नि बगाल लहँगा चोलियामे संपरल एक ओर थारु बगाल फेन ढोटि टौलियामे लेवा बनाइट फहरूवा खेलाइट । सबसे खुसिक बाट टे लोप हुइ भिरल छटरी फेन डेखे मिलट । इ भिडियो पहिले पुर्खान असिक खेटि करिट कना कुछ सन्देश देहेखोजल बा । 

[भिडियो ओ विज्ञापन फेेन हेर्बि]

गित भिडियो मजा बा । हेरकलाग भिडियोके लिंक डेगैल बा । 

-संगम चौधरी

[भिडियो ओ विज्ञापन फेेन हेर्बि]